Muammo
O’zbekistondagi restoran, kafe va choyxonalar har safar internet uzilganda savdoni yo’qotadi, ko’p kassa dasturlari esa internet bilan birga to’xtaydi. Egalariga soliq cheki, oshxona buyurtmalari, ombor va tannarx ham qo’l mehnatisiz to’g’ri hisoblanishi kerak.
Nima qurdik
Biznex — kassa, oshxona, ombor va hisobot uchun bitta tizim. Kassa internetsiz ham savdo qiladi va aloqa tiklanganda ma’lumotlarni sinxronlaydi. Soliq cheki avtomatik chiqadi, ombor va tannarx esa buyurtmalar oshxonadan o’tishi bilan hisoblanadi.
Jamoa qanday ishlaydi
Mahsulotni besh kishilik ixcham jamoa quradi: kundalik ishida AI agentlardan foydalanadigan ikki dasturchi (kod, testlar, birinchi ko’rib chiqish), reliz sifatiga javob beradigan ikki QA muhandisi va men — arxitektura, infratuzilma va yakuniy ko’rib chiqish uchun javobgar CTO.
Natija
- 500 dan ortiq muassasa Biznex’da ishlaydi.
- Yetkazib berish integratsiyalari: Uzum Tezkor va Multicard ishlayapti, Yandex Eats ustida ish ketmoqda.